教中國地理／中華文化，你係咪都係掛幅地圖、逐個省份口噏——講到山西定陝西，學生已經眼睏晒？
想要個「撳地圖就跳題、答啱即刻計分」嘅遊戲，以前要搵人編程，仲要識埋地圖繪圖，隨時要幾千蚊一個。而家用 Gemini 嘅 Canvas 功能，幾句話、10 分鐘內就開晒波——一行 code 都唔使寫，免費版都做到。
🧰 今次用咩工具
Gemini（Canvas 功能）：一句話直出互動問答地圖，免費版可用。一幅中國地圖：對住省份位置同題目核實準確（呢樣好緊要，部電話搜尋下就有）。瀏覽器：開成品、分享畀學生。⏱ 全程 10 分鐘內。
Step 1：開 Gemini，加入 Canvas
入 gemini.google.com → 開新對話 → 撳輸入框「＋」→ 揀「Canvas」。
Step 2：一句 Prompt 直出問答地圖
成句照抄，一隻字唔使改：
用 Canvas 製作一個「中華文化地理大挑戰」互動問答地圖，繁體中文。學生點地圖上的省份，彈出一條與該省文化 / 地理相關的 4 選 1 題；答對加 10 分、答錯扣 5 分，頂部即時計分。
等 10–20 秒——個關開咗：撳落去有題目跳出嚟，答完仲識計分。
Step 3：一句換走「自己畫」，改用真實地圖
AI 畫地圖最大鑊嘅位——佢自己度形狀，唔啱嘅。所以下一句最重要嗰句係「唔好自己畫地圖」。成句照抄：
唔好自己畫地圖。改用開源插件渲染真實中國省級地圖。有題省份填金黃色（可點），無題省份填淺灰、tooltip 標「尚無任務」。整體中國風（深紅、金黃、卷軸米底）。
等多十幾秒——幅地圖即刻換晒真身：真實省界、金黃色代表有得撳、淺灰色一撳就話你知「尚無任務」，成個介面仲換咗做深紅金黃卷軸米色，睇落好有中華文化 feel。
Step 4：一句 Prompt，一次過落 15 省題庫＋核對機制
地圖有咗，仲差題庫先叫「完整教材」。呢句一次過搞掂三件事：15 省逐一設題、答錯有解釋、埋尾計總分。成句照抄：
為以下省份各設一題：陝西、山西、河南、山東、北京、江蘇、安徽、浙江、湖北、湖南、江西、四川、雲南、廣東、甘肅。答對該省變綠 + 一句補充，答錯彈正解 + 解釋；全部完成顯示總分。灰色省份留作題庫擴量入口。
等十幾秒——15 個金黃色省份即刻識答問題：撳落去彈題目、揀啱色塊變綠仲有句補充知識、揀錯彈返正解同解釋，15 個全部撳晒仲會顯示總分。
拆解——點解 Step 4 條 Prompt 要咁長？
條 prompt 每一舊都有用，抄之餘要識點解，先改得到自己嗰版：
➊ 逐個省份列名＝逼 AI 15 條一條都唔漏低，唔會得返幾條就當交咗差。
➋「答對變綠 + 一句補充」＝即時反饋之餘仲順手塞多啲知識入去，唔使你補口白。
➌「答錯彈正解 + 解釋」＝答錯唔係得個交叉，學生知錯喺邊、點解錯。
➍「灰色省份留作題庫擴量入口」＝呢句係伏筆，睇下段點用。
【最強外掛】灰色省份唔係冇用，係你嘅擴量位 🗺
15 省有題之後，地圖上仲有一大撻淺灰色——嗰啲唔係唔使理，係留低畀你遲啲自己加題嘅位。想加就逐句貼：
幫福建都加一條文化地理題，答對變綠、答錯彈解釋，格式跟其他省份一致。
一次淨係加一個省，AI 執行得最準；貪心一次過加十個，成功率反而低。
🎲 點樣攞去堂上用
Canvas 右上角「分享」→ 攞連結 → 貼落 Google Classroom 或者出 QR code。學生開瀏覽器就玩到，唔使裝任何 app。
建議玩法：投影出嚟，叫學生輪流上嚟撳一個金黃色省份，全班一齊估答案，計分表就掛喺度，開埋學術 PK；默書前開放連結畀學生自己重玩。
🔧 執漏三寶（常見問題）
記住分工：你負責講「想點」，佢負責諗「點做」。
🏁 你已經識起「地圖＋題庫」呢款教材
由開 Canvas、換真實地圖、到落滿 15 省題庫，一條龍齊晒，冇寫過一行 code，免費版做到。乜科都用得：歷史加朝代地圖、化學加元素周期表關卡、英文加文法過關遊戲。