《廉頗藺相如列傳》篇幅長、人物多、事件多——一講到要背，學生個樣即刻苦晒。
今集教你用 Gemini Canvas 分兩步起個闖關遊戲：第一關「時空定位」排事件、撳真實地圖（地理 × 歷史）；第二關「章法重組」貼入《史記》原文，拖返正確次序。先串起故事脈絡，再練句子次序，背誦可以有多一個入口。
最重要一點：原文由老師提供同核對，AI 負責起遊戲。即使 Prompt 寫明唔准改字，完成後都要逐句檢查。
🧰 今次用咩工具
Gemini（Canvas 功能）：分兩步生成闖關教材，今次示範用免費版。
經核對嘅《廉頗藺相如列傳》原文：提供要考嘅句子，逐字照排。
瀏覽器（電腦／手機）：開成品、分享畀學生。
⏱ 示範中，每句 Prompt 生成約需 10–20 秒，全程約 10 分鐘；實際時間會因帳戶、網絡同修改次數而有分別。
Step 1：開 Gemini，加入 Canvas
入 gemini.google.com → 登入並開新對話 → 撳輸入框旁嘅「＋」／新增選單 → 揀「Canvas」。
Step 2：一句 Prompt 起基礎＋第一關「時空定位」
撳「複製 Prompt」，整段貼入 Canvas：
用 Canvas 製作一個「跨學科背誦闖關」互動教材《廉頗藺相如列傳》，先做基礎 + 第一關。不要自己畫地圖：改用開源插件。
【第一關・時空定位（地理 × 歷史）】三件事 —— 完璧歸趙（秦‧咸陽，約前283）、澠池之會（澠池，前279）、負荊請罪（趙‧邯鄲，前279後）。
① 時序：把三張打亂的事件卡拖成正確先後，按掣判對錯，排錯震動 + 提示。
② 地理：中國真實地圖標出邯鄲、咸陽、澠池（真實經緯度）；學生先選一件事，再點地圖上發生的城市，點對變綠並標事件名，點錯紅閃 + 提示。
兩部分完成 → 顯示「地點＋時序已串起故事脈絡」，並預留入口進入第二關。
外觀淡雅古典（墨、米、金、朱），繁體中文；原文與史實逐字準確，不確定則從略。第一關分兩部分：先將三張事件卡排返正確先後，再揀一件事、撳地圖上嘅城市。排錯會有提示；位置揀啱就變綠，標埋事件名。兩部分完成，就將地點同時序串起嚟。
Step 3：餵原文，加第二關「章法重組」
呢步係成個教材嘅精髓：五句由老師親手貼入 Prompt，AI 只負責打亂、拖放同判對錯。繼續喺同一個對話貼第二段，唔使推倒重來。
（接續上一個闖關教材，加入第二關，不要推倒重來。）
【第二關・章法重組（中文）】將下列五句打亂，拖回正確次序，排對逐句變綠、排錯震動 + 提示；全對後解鎖第三關。五句（史記原文，逐字照排，不得改動）：
（1）廉頗曰：「我為趙將，有攻城野戰之大功，而藺相如徒以口舌為勞，而位居我上……我見相如，必辱之。」
（2）相如聞，不肯與會。每朝時，常稱病，不欲與廉頗爭列。
（3）相如曰：「……強秦之所以不敢加兵於趙者，徒以吾兩人在也。今兩虎共鬥，其勢不俱生。吾所以為此者，以先國家之急而後私讎也。」
（4）廉頗聞之，肉袒負荊，因賓客至藺相如門謝罪。
（5）卒相與驩，為刎頸之交。第二關將五句打亂，學生拖返啱位就逐句變綠；排錯會有提示。呢個示範用嘅係節錄句子，省略位置已用「……」標示；換成你班要背嘅版本時，請貼入經核對嘅完整句子。
📜 點解一定要自己「餵原文」？
AI 有機會將「私讎」寫成「私仇」、「肉袒」寫成「肉坦」，甚至補字、刪字「執靚」句子。背誦教材錯一隻字，學生就可能跟住錯版背。
所以 Step 2 寫明「原文與史實逐字準確，不確定則從略」；Step 3 直接貼五句，再加「逐字照排，不得改動」。呢啲指令有助限制改動，但唔代表 AI 一定冇錯：老師要對照原文逐句核實。
想換其他範文都係同一個做法：原文由你提供，考邊幾句、點樣排由你話事；AI 幫你做互動。
🔧 執漏五寶（常見問題）
記住分工：你負責講「想點」，佢負責諗「點做」；原文就由你把關。
📲 點樣攞去堂上用
Canvas 面板右上角「分享及匯出」→「分享」→ 複製連結 → 貼落 Google Classroom 或者出 QR code。學生用手機／電腦瀏覽器開連結；分享嘅 Canvas 內容要喺 gemini.google.com 開啟。
建議玩法：教完篇章後，投影第一關，全班一齊排事件、撳地圖，溫返戰國背景同三件事嘅地點。第二關可以分組比賽，排啱後再叫學生解釋每句喺故事入面起咩作用。默書前開放連結，畀學生自己重玩。
🎓 你已經識「餵原文」起範文教材
時空定位、章法重組——兩句 Prompt 起兩關，原文由你把關，AI 幫你起遊戲。其他篇章都可以用同一思路：《出師表》加地圖、《六國論》排論點次序、《岳陽樓記》排段落章法。